Septembro

Oktobro

Novembro

Aŭtuno

Aŭtuno estas kolor-plena sezono. Sur la arboj, la verdaj   folioj   prenas novan koloron.

Ili  flav-iĝ-as,  brun-iĝ-as  aŭ  ruĝ-iĝ-as.

Aŭtuno estas la sezono de rikoltoj. Dum la printempo kaj la somero fruktoj, legomoj kaj  grenoj

kreskas en la ĝardenoj kaj kampoj.

En aŭtuno oni  rikoltas  fruktojn, legomojn kaj grenojn. Poste oni festas: oni manĝas, kaj trinkas,  dancas  kaj kantas. Ĉiuj estas tre feliĉaj post bona rikolto.

En aŭtuno la tagoj  mallong-iĝ-as  kaj la noktoj  long-iĝ-as. Multaj birdoj flugas for de Eŭropo al pli varmaj mondopartoj. Kelkaj bestoj ekdormas kaj  vek-iĝ-as  denove en printempo. Ili dormas dum la tuta vintro.

En aŭtuno la ferioj  fin-iĝ-as  kaj la lerneja jaro komenciĝas.